सिजु नओं देखारि मूँखे

माउ मिठिड़ी, सिजु नओं देखारि मूँखे।

इएँ न पहिंजे गर्भ में ई मारि मूँखे। 

करि न तूँ अपमानु पहिंजो, पाण जननी

दई जनमु जी-जान साँ सींगारि मूँखे।

दुखु न कर तूँ, तुहिंजो बलु थींदसि अमड़ि माँ

जी न सघंदीअ, मोकिले हुन पारि मूँखे।

हकु न मूँखाँ फुरि, भुलाए फ़र्जु पहिंजो
दींह पूरा धारिणी! तूँ धारि मूँखे। 

ढोंगी-नर चाहिनि अगर मुहिंजो विसर्जन

ढाल थी तिनि जी न जीजलि, गारि मूँखे।

माँ त आहयाँ वलि अमड़ि, तुहिंजे अङण जी

चोट ते चढ़ंदी वञा, इएँ सारि मूँखे।

जगु रुसे परवा न कर, खुद शक्ति आँ तूँ

‘कल्पना’ जग जे अगियाँ स्वीकारि मूँखे। 

-कल्पना रामानी