हिकु आईनो सभिनि दिनो आ

चवनि पया हथ बधी, असाँखाँ रामु रुठो आ।

हथ जोड़यो धनु मिलंदो, छा हीउ राम चयो आ?

अंध-विश्वासिनि जी कहिड़ी माँ गाल्हि बुधायाँ  
लीमा-मिर्च टँगे हू लठि दई सुम्हीं पयो आ। 

बेदोहिनि जो रतु चूसींदो रह्यो उमिरि भरि  
कालु दिसी गंगाजल जो ढुकु भरिण लगो आ।  

लुटे-फुरे घरु ठाहे जदहिं कयईं उद्घाटनु

दिठईं सूखिड़ी, हिकु आईनो सभिनि दिनो आ।

पाए हार गुलनि जा मानु गिन्हीं घरि आयो

खिली पुछ्युसि आईने, छा ही मुँहुं तुहिंजो आ?

हरु न हलायईं, पघरु न गाड़यईं, बस बिज पोखे

अन्न भरयल खेतनि जो सुपनो, दिसण लगो आ।

घिण्ट वजाया, भजन कया पर अजु ताईं मूँ

कोन ‘कल्पना’, जागे अहिड़ो देवु दिठो आ।   

-कल्पना रामानी