केदी सूँह वधाए धरती

जींअ लगे चौमासो, तिएँ बादाए धरती

वसण लाइ थी, ककिरनि खे, परचाए धरती  

सावलि जी चौधार विछाए, सुहिणी चादर

नेणनि-नूरु असाँजो, पई वधाए धरती

सदे किसाननि खे खेतनि में बिज पोखाए  

प्राण-प्राण जी बुख-उञ पई भजाए धरती

समुंड्र-नंदियूँ प्या पूर वहनि, कनि कल-कल झरणा

कुदरत जी थी केदी सूँह वधाए धरती

रंग-रंग जा ट्रिड़नि पया गुल, हुन जी हँज में

प्यारु दई पई तिनि साँ, तोड़ि निभाए धरती

वणे पई रिमिझिमि सावण जी नंढनि-वदनि खे

गदु सभिनी साँ पई थी खुश्यूँ मल्हाए धरती

हुन खे खाट्र हणी छो माण्हूँ पया सताइनि

जदहिं ‘कल्पना’ कहिंखे कीन सताए धरती  

-कल्पना रामानी