इन्साफु किथे आ

हिन दुनिया में अहिड़ो को इंसानु किथे आ

जेको दसे दुखीअ खे रहन्दो रामु किथे आ

करे मज़ूरी मिले सुकल रोटी थी जिनि खे

हू छा जाणनि सुपिननि जो संसारु किथे आ  

सिजु उभिरे या लहे दिसी छो वक्तु विञाइनि

पघरु वहाइण वारनि खे आरामु किथे आ

दिनी दगा तिनि सभिनि, कयो मूँ जिनि ते वेसहु

ब्यनि खे कींअ बुधायाँ माँ, विश्वासु किथे आ  

दोह बरी थ्यनि बेदोहिनि खे मिलनि सज़ाऊँ

कहिं खाँ पुछाँ भला, रहन्दो इन्साफु किथे आ

शगलु नईं पीढ़ीअ जो आ दिलि तोड़िणु-जोड़िणु

तोड़ि निभाए जेको अहिड़ो प्यारु किथे आ

कोन ‘कल्पना’ जाणे सघ्यमि सजो जगु छाणे

भर्यल कूड़ साँ जग में सच जो वासु किथे आ 

-कल्पना रामानी