पिपिलु पुराणो

हालत पहिंजी जदहिं दिसे थो पिपिलु पुराणो

गुज़र्यल दींहड़ा याद करे थो पिपिलु पुराणो

रोज़ु नमस्ते कंदा हुया जेके सिज उभिरे

दिसी उहे दर बंद, गरे थो पिपिलु पुराणो

सुकंद्यूँ वञनि पयूँ टार्यूँ सभु धीरे-धीरे

पन पीला पिणि दिसी दुखे थो पिपिलु पुराणो

छाँव अङण में हुन जे, छट्र जी बची न बाकी

वदिड़ा किथे वेहनि सोचे थो पिपिलु पुराणो

खुश थींदो हो जिनि पंछिनि खे गोदि विहारे

तिनि जी पिणि चहचह गोल्हे थो पिपिलु पुराणो

शहरु वसायो जिनि, तिनि खे वापसि मोटण लइ

ख़तु हिकिड़ो दई कसमु लिखे थो पिपिलु पुराणो

तनु-मनु घायल, पर मिठिड़नि जे इंतज़ार में

अजु बि ‘कल्पना’ राह तके थो पिपिलु पुराणो

-कल्पना रामानी