टेरि काँग तूँ दिसी कुननि में

झगड़ो थ्यो घर जे भाँडनि में।

घर पहुता होटल-मालनि में।

वसिणो हुयुनि सुकल धरतीअ ते

ककर वस्या पर पूर नंदिनि में। 

मानु न करि नीलामु असाँजो  

टेरि काँग तूँ दिसी कुननि में।

मिली भगऊँ पए कंधु गरीब जो

दियो बरे कींअ तूफाननि में।

शरमु हया सभु विकिणी खाधऊँ

छा अजु बाकी इंसाननि में।

दिसी बेसुरा राग वधी आ

मायूसी ग़ज़लुनि-गाननि में।

पहिंजनि खे दई धिको ‘कल्पना’
धिकिजे प्यो हू अजु धार्यनि  में।

-कल्पना रामानी