पहुतो नींगरु शहरि पराए

गोठु छदे कल्ह पहुतो नींगरु शहरि पराए

पेटु भरिण लइ अजु हू गोदा पयो गसाए

         

कदहिं मथे ते ढोए प्यो सामानु गिरह लइ

त कदहिं धोई कोप पयो बुख-उञ परिचाए

राजु कयईं पए हुति पहिंजे घर-घेर-घिटिनि में

पर हिति चारई पहर पयो थो पघरु वहाए

दींह गुज़ारे प्यो गोल्हींदे टुकुर छाँव जो  

रात सुम्हें प्यो उभु वेढ़े, धरती हंधु ठाहे

माउ-पीउ जी दिलि ट्रोड़े छा हुन सुखु जोड्यो?

जो सुपना गदु बधी वयो मिट्र-माइट्र फिटाए

जाणे थो हईं पेरनि ते खुद हुई कुहाड़ी

हाणे गाल्हियूँ गणे अंदर में प्यो पछिताए

नींगर जागु! न करि मोटण में देरि ‘कल्पना’
अजु बि गोठु गदिबो मन तोसाँ, भाकुरु पाए   

-कल्पना रामानी