उजालो थी चाहियाँ

खुदा खाँ सदा मींहु सुख जो थी चाहियाँ

सभिनि लाइ बेखौफु घरिड़ो थी चाहियाँ

     
अँधेरनि में जेके रहनि प्या हमेशा

उन्हनि लाइ टुकिरो उजालो थी चाहियाँ

करे जेको आतंक जो अंतु जड़ खाँ

हुकूमत खाँ कानूनु अहिड़ो थी चाहियाँ

भला गोठ रोटी छो गोल्हिनि शहर में

शहरु, गोठ हर में माँ साओ थी चाहियाँ

पखीयड़ा रही जाते आज़ादु चहकनि

वतन में उहो बागु सरहो थी चाहियाँ

जिते माण्हूँ हिक बे खे दिलि में वसाइनि
वरी ‘कल्पना’ हू ज़मानो थी चाहियाँ

-कल्पना रामानी