लगनि प्रेम जा मेला

बुधाँ पई, अजुकल्ह माण्हुनि में प्यारु न हूँदो आ

पर हिन चविणीअ जो कोई आधारु न हूँदो आ 

मूँ त दिठो भरपूर प्यार साँ हीय दुनिया आहे

प्रेम उहो कहिड़ो जिति खटपट, खारु न हूँदो आ

चाहे सुहिणो बागु हुजे, पर लगंदो हिकु झंगलु

नज़र अग्याँ जे दिलि-घुरंदड़ु दिलदारु न हूँदो आ

जिते वदनि जा पेर घुमनि, हुति खुशी बि वासु कंदी

वदिड़नि बिना वस्यलु कोई परिवारु न हूँदो आ

लगनि प्रेम जा मेला, त लगे हर दींहु दिणु जिंदुड़ी

मेल-जोल खाँ पावनु को त्यौहारु न हूँदो आ

जिते ‘कल्पना’ सिक जो सूरजु, कदहिं न दे दर्शनु
उते बरण लइ दियो बि को तैयारु न हूँदो आ 

-कल्पना रामानी