जहिंजे मन में सच जो सागरु

जहिंजे मन में सच जो सागरु वहँदो आहे  

हुन जो हालु अची रबु हर-हर पुछंदो आहे

पूजे तुलसी-पिपिलु, दई जलु जेको हुन वटि

अन-धन जो भंडारु न कदहिं बि खुटंदो आहे

कदहिं न कुदरत दुख में हुन खे गारे सघंदी

दिसी बियनि जो दुखु जेको खुद गरंदो आहे

गुलिड़नि साँ गदु कंडा बि जेको स्वीकारे थो

भुल साँ पिणि को कंडो न हुन खे चुभंदो आहे

धीय अङण में जहिं घरि हिकिड़ी रहे चहकंदी

महक उहो घरु बागनि खाँ वधि रखंदो आहे

प्यारु छल्कंदो हूंदो जहिंजी सदा रगुनि में

ग़ज़ल उहो ई, चई प्यार जी सघंदो आहे

कदहिं न ईंदो हुन जे पथ में पथरु ‘कल्पना’
छदे पापु,  पुञ-पथ  ते  जेको हलंदो आहे    

-कल्पना रामानी